ಕೆರೆಯ ಅಂಚಿನಲಿ

ಕೆರೆಯ ಅಂಚಿನಲಿ ನಿಂತ ಚೆಲುವೆ ಯಾರೆ ನೀನ್ಯಾರೆ?
ಬೆಳಗಿನ ಬಂಗಾರದ ಕಿರಣಗಳನ್ನು ಹೊತ್ತು ತಂದವಳು ನೀನಾದೆ
ಸಹಿ ಗಾಳೀಯ ಸೀರೆ ಸೆರಗಿನಲಿ ಕಟ್ಟಿ ಹಾಕಿದವಳು ನೀನಾದೆ
ಯಾರೆ, ನೀನ್ಯಾರೆ?

ಕೆರೆಯ ಸಾವಿರಾರು ಕಮಲಗಳು ನಿನ್ನೆರೆಡು ಅರಳಿದ ಕಮಲ
ಕಣ್ಣ್‌ಗಳನು ನೋಡಿ ನಾಚಿ ಅರಳದೆ ನಿಂತವು ಮೊಗ್ಗಾಗಿ
ಆ ನಿನ್ನ ಮುಂಗುರುಳು ಮೆಲ್ಲಗೆ ಹೋಯ್ಯ್‌ದಾಡಲು
ಸೋತು ತೂಕಡಿಸಿದವು ಮರದ ಹಕ್ಕಿಗಳು
ಕೆರೆಯ ಅಂಚಿನಲ್ಲಿ ಬಂದು ನಿಂತ ನೀರೇ
ಯಾರೆ, ನೀನ್ಯಾರೆ?

ಅತ್ತಿಂದಿದ್ದ ನೀ ನಡೆದು ಬರಲು ಕೆರೆಯ
ಹಂಸಗಳು ಲಜ್ಜೆಯಿಂದ ಕಾದು ನಿಂತವು ಹೆಜ್ಜೆ ಹಾಕಲು
ನಿನ್ನ ಆ ಕೈ ಬೆರಳುಗಳು ಕೆರೆಯ ನೀರಿಗೆ ಸೋಕಲು
ಮೈಜೂಂ ಎಂದು ಮಂಜುಗಟ್ಟಿದವು ಮೈಮರೆದು
ಯಾರೆ, ನೀನ್ಯಾರೆ?